A Casa dos Xoguetes da Coruña recibiu ata o momento 5.000 doazóns nunha recollida solidaria promovida polo consistorio, co obxectivo de fomentar a economía circular.
Segundo informa o goberno local coruñés, as persoas interesadas poderán seguir entregando os seus xoguetes, no punto da Oficina Municipal de Información ao Consumidor, ata o próximo 5 de xaneiro.
A día de hoxe, e tras abrirse a campaña o pasado 1 de decembro, recolléronse un total de
4.926 xoguetes e xa foron entregados a outros usuarios e usuarias 2.708. O obxectivo é
superar as cifras do ano pasado, cando se recibiron 8.031 bonecos e xogos e foron
reutilizados 6.097.
A Casa dos Xoguetes é unha campaña “pensada para fomentar o consumo consciente e responsable e darlles unha nova vida a aqueles bonecos e xogos en bo estado que non se usan”. As persoas interesadas poden entregar xoguetes que cumpran coas normativas europeas para o seu uso e estean destinados a menores de ata 14 anos.
