Cuadernos de Roldán é unha iniciativa que se desenvolve dende Sevilla, fundamentalmente por Sevilla. Son un grupo de persoas que dedica á promoción sen ánimo de lucro da poesía e a cultura, e unha das accións máis relevantes que fai, ademais dun almanaque, son a publicación de cadernos ao ano: un Cuaderno de outono, un Cuaderno de inverno e un Cuaderno de verán.

Eses “Cuardernos” con unhas pequenas publicacións abertas a todo o que queira participar, e para animar á xente e enchelos de contidos, organizan un interesante concurso.

Cada ano, é o Cuarderno de Inverno o que sae fóra das fronteiras de Andalucía. Foi no seu día en París, en Barcelona, en Madrid, en Lisboa… Este 2024 volve a Galicia, onde xa estivo en 2002 facendo para e fonda en Santiago, creando unha edición única na que colaboraron Laxeiro, Alfredo Conde, Luís Pereiro entre outras personalidades.

”Tratamos de sacar traballos de calidade de xente que habitualmente non ten a posibilidade de publicar”, explica o auténtico armandanzas desta singular entidade, José Manuel de la Puente, que presentou a semana pasada a iniciativa na Biblioteca Miguel González Garcés, no barrio de Monelos, para a cidadanía da Coruña.

Este ano o epicentro do Concurso será o Concello de Mondariz Balneario, onde o 25 de febreiro se presentará o Cuaderno de Inverno máis galego da década. Será nun encontro no que xa, de seguro, participarán máis de 50 persoas chegadas dende Andalucía

Como presentarse ao concurso

Así, se queres que a túa creación, a túa poesía ou pintura vinculada ao singular concello pontevedrés, vaia nesa publicación, tes ata 25 de xaneiro de 2024, e podes envialas a jmdlpuente@gmail.com no tamaño máximo de 21 liñas en obras literarias; as reproducións da obra gráfica deberán ter un mínimo de 1.063 píxeles de ancho por 1.535 píxeles de alto.