InicioA CORUÑAPersoal de limpeza do Hospital da Coruña concéntrase polos seus dereitos laborais...

Persoal de limpeza do Hospital da Coruña concéntrase polos seus dereitos laborais e salariais

Publicada o

Por editor

O persoal de limpeza do Hospital Universitario da Coruña (HUAC) vai concentrarse durante tres días desta semana diante da Xerencia para esixir que a empresa co servizo adxudicado, Acciona, respecte os seus dereitos laborais e salariais. A primeira mobilización foi este mércores día 14 entre as 09,45 e as 10,45 horas e repetiranse no mesmo horario o xoves día 15 e o venres día 16 de febreiro.

A CIG detallou nun comunicado que as condicións dos traballadores de limpeza “deben estar equiparadas ás do persoal público do Sergas” e que así ocorreu o pasado ano no que “se acordaron melloras retributivas e unha redución da xornada anual” de todos os traballadores dos servizos sanitarios. Con todo, o sindicato denuncia que estes acordos non se implantaron no hospital coruñés.

Nun principio, as concesionarias negáronse a aplicar estas melloras pero despois de numerosas reunións co Sergas e da presión sindical conseguiuse arranxar esta cuestión na maioría dos servizos, menos na limpeza do CHUAC”, sinalou a CIG.

O sindicato apuntou que xa existen unha serie de melloras de salarios e na xornada “recoñecidas” por sentenza e que Acciona “pretende absorber” o acordo co Sergas cos avances xa recoñecidos.

“A empresa está a roubarnos parte da subida salarial que nos corresponde e negándonos os días de redución dá xornada anual aos que temos dereito, para así seguir engordando os seus beneficios”, denunciou o comité.

ÚLTIMAS

A veciñanza pide rescatar a liña de bus 10 para o barrio da Sagrada Familia

A política urbanística municipal leva anos apostando por unha humanización das nosas rúas, pola...

O PP pide á alcaldesa da Coruña que cese ao edil de Economía

O grupo municipal do PP no Concello da Coruña instou á alcaldesa, a socialista...

A instalación da pasarela de Solymar provocará afectacións ao tráfico

Recta final para as eternas obras do cruzamento de Solymar, en Perillo, Oleiros. Actualmente,...

Alcaldes socialistas acusan á Xunta de “afogar” aos municipios: “A factura das competencias impropias ascende a 600 millóns ao ano”

O consello de alcaldes socialistas da provincia da Coruña acusou á Xunta de "afogar" ás economías...

DEIXAR UN COMENTARIO

Please enter your comment!
Please enter your name here