InicioCAMBRE“Á Xunta non lle interesa a unitaria de Pravio”

“Á Xunta non lle interesa a unitaria de Pravio”

Publicada o

Por Ubaldo Cerqueiro

Esta semana as familias de Cambre lanzaban un SOS polo posible desmantelamento da Escola Unitaria de Pravio. Unha escolas rurais que representa a mellor cara do noso sistema de ensino público, eses espazos de convivenza que forman auténticas comunidades escolares, nas que nenos e nenas de 3 a 6 anos comparten espazo, o que enriquece aínda máis unha ensinanza que se articula arredor da natureza, o medio ambiente, o rural e un respecto total e absoluto polas necesidades individuais de cada alumno e alumna.

Pero dende logo non son unha prioridade para esta Xunta, que pechou a unitaria de Santa María de Vigo (2015), e despois a de Cecebre (2018).

A proposta de redución de ratios aprobada en xaneiro de cara aos vindeiros cursos (unha medida dende logo positiva para a merande parte dos centros de ensino público que permitirá que as aulas teñan menos alumnado) está a provocar unha situación de indefinición en escolas como a de Pravio, en Cambre.

A escola pasaría das 20 prazas actuais ás 12, polo que as familias non saben que facer, e xa algunhas que están descartando a súa matriculación de cara ao curso que vén.

Unha situación que lamenta o alcalde e presidente de Unión por Cambre, Óscar García Patiño, que denuncia que “a Xunta no escoite a Anpa do centro”, despois de manter unha xuntanza coas familias onte na propia escola, e de amosar o apoio do Concello ás demandas. “Á Xunta do Partido Popular non lle interesa o modelo educativo da unitaria de Pravio, proba de iso é que non responde ao escrito que as familias lle remitiron para pedir unha solución e evitar o peche ao que está condenada a escola unitaria e rural de Pravio”.

“Non interesan as escolas con proxectos educativos innovadores e diferentes, con proxectos onde conviven nenos de diferentes idades que se complementan, proxectos educativos que integran á toda a comunidade escolar e á veciñanza, nos que se aposta polo contacto co medio rural, polo xogo tradicional e polo medio ambiente. Un modelo educativo que está en auxe en moitos países europeos e que en Cambre ten grande aceptación vendo a lista de espera desde hai anos hai para este centro”, explica o alcalde.

Posibles solucións: máis profes e máis centros adscritos

A principal necesidade sería aumentar o profesorado para ampliar, ou manter, o número de prazas.

Ademais, na actualidade, a Unitaria de Pravio está adscrita unicamente ao CEIP Wenceslao Fernández Flórez. Segundo informa a ANPA, esta situación tamén está a afectar ao número de inscricións. Así, segundo explican, son moitas as familias que consideran ou mesmo descartan matricular aos seus fillos e fillas no colexio de Pravio xa que, ao rematar os seus estudos neste centro, poden non ter praza de Primaria no colexio máis próximo. Dende a ANPA reclaman aumentar a afiliación do centro, ampliándoo ao CEIP Emilio González López, ao Gonzalo Torrente Ballester e ao CEIP Juana de Veiga de Nós (situado a catro quilómetros).

Máis novas

Familias de Cambre piden máis docentes para unha Escola Unitaria de Pravio abocada a desaparición

ÚLTIMAS

Rueda asegura que “se tomarán todas as medidas” necesarias para “facer cumprir a lei” na Casa Cornide

O presidente da Xunta de Galicia, Alfonso Rueda, afirmou que o Goberno galego tomará...

A plataforma AGalega estrea ‘Curando o mundo’, a serie documental sobre o cirurxián coruñés Diego González

A plataforma dixital AGalega estrea este martes os dous primeiros capítulos da serie documental 'Curando...

30 entidades piden o liderato municipal e a participación pública na definición do futuro dos peiraos

O 7 de maio de 2017, máis de 5000 persoas, entre elas o PSOE,...

Culleredo convoca reunións sobre as servidumes do aeroporto, publicadas no BOE e “incluídas no Plan de 2022”

O Concello de Culleredo convocará reunións sobre as servidumes acústicas e aeronáuticas do aeroporto...

DEIXAR UN COMENTARIO

Please enter your comment!
Please enter your name here