O Concello da Coruña aprobou, na Xunta de Goberno, o proxecto de construción dun novo edificio de 50 vivendas de promoción pública no barrio de Xuxán.
O inmoble, que estará situado na parcela Z-37 do antigo Parque Ofimático, incluirá vivendas en réxime de aluguer social. No tres sotos proxectados haberá, ademais, un centenar de prazas de aparcadoiro.
A construción do inmoble, promovido polo Concello con fondos propios e tamén procedentes das convocatorias Next Generation, suporá a creación dun total de 50 novas vivendas, das que un total de dez serán adaptadas.
Ademais, na Xunta de Goberno, aprobouse inicialmente o plan especial para permitir usos comerciais na parcela do antigo Club Financeiro A Coruña.
CONFLITO DE LIXO
Xa a preguntas dos xornalistas, e sobre a situación da recollida do lixo na cidade e o conflito que manteñen o Sindicato de Traballadores STL, representante no comité de empresa, e a dirección da mesma, asegurou que a postura do consistorio pasa por “velar polo cumprimento do contrato”. Con todo, dixo que lle corresponde á empresa “solucionar” a situación relativa ás demandas laborais.
