Acollía o pasado venres o Taller Reciclos, ese espazo social sito no antigo Padre Rubinos, de reparación autosuficiente de bicicletas, a presentación do libro «As bicicletas si son para Galicia» [Catro Ventos Editora]. A organizadora Asociación Mobi-Liza non podía evitar a posibilidade de traer á autora Patricia Buxán para seguir afondando o reto de que a sociedade herculina asuma a bici como un vehículo de transporte urbano e rural.
Precisamente esa idea de que a bicicleta é un medio de transporte é o fío deste libro que contén 3 relatos (de Carlos Risco, Daniel Díaz e Iria Vázquez), un apartado máis técnico, e varias análises vinculadas á mobilidade.
Foi o propio Díaz o que repasou a historia do uso da bici na cidade da Coruña, resaltando o momento histórico que vivimos co aumento de carrís bici e do servizo de Bicicoruña.
Ao remate, as 30 persoas asistentes participaron nin interesante coloquio sobre os carrís, e mesmo sobre os roubos.
Buxán presentará o libro tamén nas Xornadas Biocultura que se celebran estes 1, 2 e 3 de marzo en ExpoCoruña.
Se desexan un exemplar podedes pode poñerse en contacto con Mobi-Liza a través do correo amobiliza@gmail.com ou por teléfono ao 679.744.920, ou ben achegarse ao taller social Reciclos calquera martes ou mércores de 17:30 a 21:00.
Máis novas
