A alcaldesa da Coruña, Inés Rey, instou á Xunta a “porse a traballar” ante a entrada en vigor o 13 de marzo do índice para topar os alugueres naquelas zonas declaradas tensionadas. A preguntas dos xornalistas, despois de que o Concello da Coruña expuxese a citada declaración á Administración galega, a rexedora remarcou que, unha vez publicado, tócalle á Xunta “porse a traballar no exercicio das súas competencias, que son todas practicamente”, dixo sobre a vivenda.

Todo iso de cara a que no caso da Coruña “póidase conseguir esa declaración e intervir nun mercado tensionado con prezos, nalgúns casos, duplicados nos últimos anos”, sentenciou sobre a urbe coruñesa. Isto permitiría, engadiu, “facilitar o acceso á cidadanía que nos preocupa e debería preocupar a quen ten competencias”, aseverou para engadir que espera que agora se dean “os pasos necesarios” por parte da Xunta para que sexa así.