InicioCULTURAA Radio comunitaria da Coruña celebra os seus 28 anos de vida...

A Radio comunitaria da Coruña celebra os seus 28 anos de vida con dous actos culturais

Publicada o

Por editor

CUAC FM celebra 28 anos de radio comunitaria esta fin de semana. A emisora ubicada nas instalacións cedidas pola Universidade da Coruña no Campus da Zapateira prepara dous actos abertos á cidadanía para esa celebración, ademáis dunha asemblea de socias e unha comida o sábado.

Son xa 490 programas diferentes os que teñen pasado por os estudios José Couso e Rafalea Hervada, realizados pola cidadanía e tratando temas moi diferentes entre si.

Proxección do DOCUMENTAL

En febreiro de 2022 estreábase o documental dirixido por Iago Prada Nada que ver no Teatro Colón da Coruña nun acto no que asistiron representantes de todos os partidos con representación en María Pita, así como o reitor da Universidade, varios vicerreitores, responsables da Deputación da Coruña que financiou o documental a través dunha subvención, e centos de persoas que se sumaron a unha estrea emocionante. Iso si, todo o mundo con mascarilla. Este domingo 17 de marzo ás 12 da mañá o documental regresa á pantalla grande. Neste caso será nos Cantones cines, como na estrea, cun coloquio posterior e sen mascarillas. A entrada é libre ainda que as persoas asistentes poden facer unha aportación voluntaria que irá destinada íntegramente para a Cociña Económica grazas a que os responsables dos cines ceden gratuitamente a sala para este evento.
Así se presentaba oficialmente en 2022:

PRESENTACION DUN LIBRO

Pero antes, o venres 15 ás 19:30 preséntase en sociedade o libro Galicia Musicalidade de Noel Turbulencias, locutor de CUAC e coas ilustracións de Victoria Sánchez. Será na cervezoteca Malte da Praza das Atochas 8 con entrada libre e coa presenza de artistas que aparecen no libro como Anxela de Bala, Grande Amore ou The Rapants.

O libro está editado por CUAC FM grazas a un convenio co Concello da Coruña que serviu para celebrar neste caso os 25 anos do Concurso de Bandas e Solistas que organiza na emisora e que será convocado de novo antes de que finalice o mes de marzo. As 200 copias gratuitas serán repartidas entre bibliotecas públicas, colexios, institutos e os propios artistas.

 

Máis novas

O documental de CUAC FM, en pantalla grande

CUAC FM edita o libro “Galicia MusiCalidade” para celebrar o XXV aniversario do seu Concurso de Bandas e Solistas

A CUAC FM celebra 27 anos de radio comunitaria

Radioactiva de CuacFM, 8 anos dando voz aos usuarios do albergue de Padre Rubinos

ÚLTIMAS

A veciñanza pide rescatar a liña de bus 10 para o barrio da Sagrada Familia

A política urbanística municipal leva anos apostando por unha humanización das nosas rúas, pola...

O PP pide á alcaldesa da Coruña que cese ao edil de Economía

O grupo municipal do PP no Concello da Coruña instou á alcaldesa, a socialista...

A instalación da pasarela de Solymar provocará afectacións ao tráfico

Recta final para as eternas obras do cruzamento de Solymar, en Perillo, Oleiros. Actualmente,...

Alcaldes socialistas acusan á Xunta de “afogar” aos municipios: “A factura das competencias impropias ascende a 600 millóns ao ano”

O consello de alcaldes socialistas da provincia da Coruña acusou á Xunta de "afogar" ás economías...

DEIXAR UN COMENTARIO

Please enter your comment!
Please enter your name here