O Concello da Coruña aprobou, en Xunta de Goberno local, as bases reguladoras para a admisión na rede de escolas infantís municipais o próximo curso.

Así o informou a alcaldesa, Inés Rey, en rolda de prensa, na que informou tamén da aprobación á addenda para a recepción do polígono de Pocomaco, coa achega de case un millón de euros por parte do consistorio para a mellora do mesmo.

Segundo explicou, o goberno local ten previsto apoiar á comunidade de propietarios do polígono para acometer as obras de mellora na rede de saneamento, sufragando a metade dos custos asociados a esta actuación.

Respecto das escolas infantís, a alcaldesa da Coruña incidiu, entre outras cuestións, en que se facilita o reagrupamiento dos irmáns na mesma unidade.

Tamén este xoves a Xunta de Goberno fixo balance das licenzas resoltas entre o 1 e o 14 de marzo, con 233 expedientes notificados dos que 24 foron licenzas urbanísticas e 134 foron obras en réxime de comunicación.