InicioSOCIEDADEO TSXG eleva a indemnización a unha paciente informada por erro de...

O TSXG eleva a indemnización a unha paciente informada por erro de que non tiña o ‘xene do cancro de mama’ no CHUAC

Publicada o

Por europapress

Tribunal Superior de Xustiza de Galicia (TSXG) estimou parcialmente o recurso de apelación dunha paciente do Sergas, e elevou a 109.054,91 euros a indemnización por ser informada por erro de que non tiña o chamado ‘xene do cancro da mama’, aos que se suman outros 70.000 euros xa recoñecidos en vía administrativa.

Segundo explicaron fontes xudiciais, a indemnización debe fixarse nesa contía pola incapacidade, o prexuízo estético, as intervencións cirúrxicas e o dano psíquico sufridos pola paciente, que foi diagnosticada dun cancro de mama meses despois de que non tiña ese xene. Os feitos remóntanse a 2014, cando esta muller se someteu a un estudo xenético no CHUAC, dados os seus antecedentes familiares (nai, tía e irmá con cancro), para detectar o chamado ‘xene do cancro de mama’, e con carácter previo a planificar un segundo embarazo.

Debido a un erro, os resultados das probas foron intercambiados cos doutra paciente, de maneira que se lle informou de que non tiña máis risco que unha persoa normal de padecer esa enfermidade porque non herdara ese xene. En 2015 quedou embarazada, e o cuarto mes de xestación diagnosticóuselle un cancro de mama.

Ante ese diagnóstico, comezou a quimioterapia e na semana 37 de embarazo provocóuselle o parto, renovándose daquela o tratamento contra o cancro, o que imposibilitou a lactación materna e o coidado da súa filla recentemente nada e do seu outro fillo, un menor de 2 anos. Nos meses posteriores foi sometida a diversas intervencións e tratamentos, e tamén se realizou un estudo xenético que determinou a existencia do xene asociado á síndrome de cancro de mama e ovario hereditario.

Despois de que responsables hospitalarios confirmasen á paciente o erro, esta solicitou de inmediato ser sometida ás intervencións necesarias para a prevención dun novo cancro de mama ou ovario, de modo que se lle practicaron unha masectomía e unha anexectomía (extracción das mamas e dos ovarios) en 2019. En 2020 un estudo confirmou que a filla da muller tamén é portadora dese xene.

DANO PSÍQUICO

O Sergas acordou unha indemnización de 70.000 euros por vía administrativa, e un xulgado da Coruña engadiu outros 104.054 euros polos prexuízos, a incapacidade e as secuelas, entre outras cuestións. Tras o recurso, o TSXG elevou dita indemnización ao considerar que o Sergas debe compensar á muller noutros 5.000 euros adicionais polo dano psíquico (ao que se suma a indemnización de 70.000 euros).

O alto tribunal galego expón que a propia administración recoñece “a existencia dun erro na súa actuación, que cualifica como infracción da ‘lex artis’, consistente na errónea información que recibiu a paciente sobre os resultados das probas xenéticas que se lle realizaron en marzo de 2015, o cal lle privou da posibilidade de adoptar importantes decisións que afectaron o seu ámbito persoal e familiar, en definitiva, ocasionoulle de modo directo unha lesión na facultade de autodeterminación da reclamante”.

A sección primeira da Sala do Contencioso-administrativo indica que “non pode deducirse sen máis” que a afectada non padecese dano psíquico algún indemnizable derivado da mala praxe sanitaria, é dicir, “da información errónea sobre a existencia da mutación xenética”. Por iso, estima que debe outorgarse a suma de 5.000 euros neste concepto”. A sentenza do TSXG non é firme e pode ser recorrida en casación ante o Tribunal Supremo.

ÚLTIMAS

As persoas en semiliberdade do CIS afondan na súa sensibilización ambiental

Continúa medrando o proxecto Entre Crebas, que está a convertir ás persoas que cumplen...

54 centros de ensino participarán no Día da Ciencia na Rúa

O Día da Ciencia na Rúa volverá ser unha realidade o vindeiro 4 de...

O Depor activa o modo ascenso

Xornada 33 – Deportivo 2 – 0  Cultural Leonesa Unha semana máis, un...

O Día do Libro celébrase co 150 aniversario de Picadillo, o gran supervendas da cociña

Vai coñecendo a xente da Coruña, e de Arteixo, a historia Manuel Puga y...

DEIXAR UN COMENTARIO

Please enter your comment!
Please enter your name here