InicioPOLÍTICAO BNG denuncia trato de favor na tramitación da licenza dun piso...

O BNG denuncia trato de favor na tramitación da licenza dun piso de Lage Tuñas

Publicada o

Por Ubaldo Cerqueiro

Levaba o BNG semanas protestando pola falta de transparencia do grupo de goberno ao impedirlle o acceso a un expediente urbanístico. Este luns, por fin a Concelleira Avia Veira podía revisar o expediente dun piso sito na Avenida do Exército, 96, que resultou ser propiedade do concelleiro da Área de Economía e Planificación Urbana; José Manuel Lage Tuñas, o membro da corporación con maior patrimonio declarado.

Analizado o expediente o BNG denuncia “un trato privilexiado na tramitación da licenza” que o edil solicitou para cambiar a ficha do inmoble de oficina a piso. “A inscrición como vivenda no rexistro da propiedade dun inmóbel que era oficina e cuxa licenza para ese cambio a tal altura non estaba solicitada, a pretensión de colar nunha comunicación previa un cambio de uso, a constatación de que se realizaron as obras sen ter a correspondente licenza, o incumprimento das ordes de paralización das obras, o incumprimento dos prazos estabelecidos nas notificacións, como exceder nun mes o prazo para entregar o proxecto básico vinculado á licenza, a insólita axilidade coa que se lle concedeu a licenza, o feito de que a licenza lla concedese a Dirección de Área de Urbanismo” son algunhas das “graves irregularidades” que detectou o Bloque.

A organización nacionalista considera que todas estas irregularidades revelan “un trato diferencial e unha actitude pouco exemplar do responsábel último e titular da propiedade do edil responsable da área urbanística”. É por iso que o Grupo Municipal do BNG “lle pedirá explicacións no vindeiro pleno ordinario.

Máis novas

Lage Tuñas é o concelleiro da Coruña con máis propiedades ao seu nome e cartos no banco, sabes cantos ten Inés Rey?

ÚLTIMAS

As persoas en semiliberdade do CIS afondan na súa sensibilización ambiental

Continúa medrando o proxecto Entre Crebas, que está a convertir ás persoas que cumplen...

54 centros de ensino participarán no Día da Ciencia na Rúa

O Día da Ciencia na Rúa volverá ser unha realidade o vindeiro 4 de...

O Depor activa o modo ascenso

Xornada 33 – Deportivo 2 – 0  Cultural Leonesa Unha semana máis, un...

O Día do Libro celébrase co 150 aniversario de Picadillo, o gran supervendas da cociña

Vai coñecendo a xente da Coruña, e de Arteixo, a historia Manuel Puga y...

DEIXAR UN COMENTARIO

Please enter your comment!
Please enter your name here