A adquisición por parte da Xunta de Galicia dos murais que Urbano Lugrís deseñou no portal da Rúa Olmos non acaba coa polémica. Porque a intención da Xunta, e do Concello, é trasladalos ao Museo de Belas Artes da cidade herculina.
Unha decisión que non gusta nada ao tecido cultural coruñés, nomeadamente ao colectivo lugrisán In Nave Civitas e a asociación O Mural. Ambas, veñen de protagonizar unha intervención artística para demandar que os murais queden no sitio para o que foron concebidos.
Así, ao longo da tarde de onte instalaron un andamio diante do restaurante Fornos de fitas e teas azuis para recrear o mar de Galicia, “o mar de Lugrís e reclamar que a Xunta non extraiga os frescos da parede na que foron pintados”.
“Arrancar as pinturas suporá mutilar “a casa da felicidade” que Urbano Lugrís fundou en 1951 baixo o lema “Hic habitar felicitas” non hai razóns patrimoniais, orzamentarias nin económicas que impidan as administracións crear o “Espazo Urbano Lugrís” que a alcaldesa da Coruña levaba no seu programa electoral”, denuncian dende.
Novas relacionadas
Os murais de Lugrís serán públicos tras ser mercados pola Xunta por 36.000 euros
Tarde, pero Xunta e Concello impulsan a declaración BIC dos murais de Lugrís
“O desleixo das administracións para protexer os frescos de Lugrís non fai máis que medrar”
