InicioBARRIOSA Biblioteca de Monte Alto, 25 anos tecendo unha rede de amizade...

A Biblioteca de Monte Alto, 25 anos tecendo unha rede de amizade a través da amabilidade

Publicada o

Por Ubaldo Cerqueiro

Baño de parabéns, sorrisos e agradecementos vivíu este martes 11 de xuño a Biblioteca de Monte Alto e as súas profesionais. Porque este vital equipamento cultural de proximidade, celebrou o seu 25 aniversario entre unha marea de usuarias que non quixeron desaparoveitar a ocasión para amosar o seu cariño.

Celebrando entre libros o 25 aniversario da Biblioteca de Monte Alto
Celebrando, entre libros, o 25 aniversario da Biblioteca de Monte Alto

Porque 25 anos de Biblio se poden resumir en cifras como as 14.000 persoas socias, as 21.000 persoas que participan nas actividades, o 1.200.000 libros prestados, os 32.000 documentos ou as 2.900.000 visitas. Pero, sobre todo, resúmese co cariño, coidado, e amabilidade que profesan a todo o que se deixa caer pola Biblio as súas activas e animadas Bibliotecarias.

Porque este espazo que “tece unha rede amizades, unha rede de barrio”, non sería posible sen a implicación, a xentileza, a atención, o amor das Chus Teijo, Alicia Barral e Kiki Gómez, as máis veteranas que levan dende aquel 1999 no que se abría a Biblio; sen as Marta e compañía. Unhas mulleres que son capaces de atenderte e atopar o libro que nin sabías que buscabas, pero tamén de facer de contacontos, de formadoras, de teatreiras… Mulleres capaces de todo.

Porque esa amabilidade, eses sorrisos en cada atención, é fundamental para que unha Biblioteca sexa acolledora, e faga que os libros estean máis preto da xente; para que as crianzas, os maiores, as xentes con diversidade ou as persoas en risco de exclusión se sintan cómodos e poidan mergullarse no mar de historias que esperan nas estanterías.

Xurxo Souto, o armadanzas na Biblio de Monte Alto
Xurxo Souto, o armadanzas

Onte quixeron celebrar os 25 anos na Biblioteca Infantil, unha das zonas máis vivas do Centro Cívico. Da man do gran Xurxo Souto, un grupo de catro artistas, e usuarias, debullaron as súas historias vencelladas coa Biblio. Arturo Iglesias (ilustrador), Bea Lema (ilustradora), Emma Pedreira (escritora) e María Canosa (escritora) contaron as súas experiencias persoais, valorando estes espazos “que non se mesturan cos cartos”, desacando o papel das profesionais.

Bea Lema e Emma Pedreira na Biblio de Monte Alto
Bea Lema e Emma Pedreira

O momemento máis emotivo do acto foi a intervención de Alicia Barral e Chus Teijo para presentar o pequeno vídeo ilustrativo feito sobre os diferentes usos que lles damos á Biblioteca. O vídeo foi moi emocionante, pero o aplauso que recibiu Chus, que está en plena loita contra o “bicho” (sen perder ese sorriso que invade o edificio enteiro), foi apoteósico.

A sesión rematou co público cantanto ao Orzán co diplomático do barrio, e cos parabéns e apertas que o público lle rendía ás profesionais.

Publico usuario da Biblioteca de Monte Alto

Máis novas

A unificación da Rede de Bibliotecas Municipais. Unha farsa

Preguntan polo estado dos proxectos das Bibliotecas de Novo Mesoiro e Palavea

 

ÚLTIMAS

Entidades veciñais convocan en María Pita por unha solución urxente ao problema do lixo pola “inacción” do goberno

Esta semana era a Federación de Asociacións Veciñais FAVA a que deixaba claro que...

Final da Eurocopa na Coruña: pantalla no Palacio dos Deportes de Riazor

A Coruña, Pontevedra, Abegondo e o concello ourensán de Cenlle tamén instalarán pantallas exteriores...

Acordo entre Rueda e Formoso para transferir estradas e centros educativos

O titular do Executivo galego, Alfonso Rueda, e o presidente da Deputación da Coruña,...

O informe da UCD poderá servir de “base” para o deseño da nova fachada marítima

Reuniuse esta mañá a Comisión Especial da Fachada Marítima, no salón vermello do Pazo...

DEIXAR UN COMENTARIO

Please enter your comment!
Please enter your name here