Xa contamos que o vindeiro domingo 21 o Castelo de San Antón acolle unha nova edición dos ‘Directos no Castelo‘, coa presenza de seis bandas usuarias dos locais de ensaio, con invitacións xa dispoñibles na páxina web de Mocidade.
Pero é que esta parece ser a finde semana da música herculina, porque hoxe mesmo, xoves 13 de xuño, a República Musical Mardi Grass artella coa colaboración municipal, unha Rock Jam Session, na que máis de 30 músicos locais subirán ao escenario. “Unha noite que de seguro pasará á historia da música local. Unha festa con coñecidas cancións de rock e blues”, explica Tomi Legido.
A cita, a partir das 21:00h, e con entrada gratuíta para quen queira gozalo, ata completar aforo.
Eris Mackenzie e Ambigüo
A cousa non queda aí, pois o venres actúa na Mardi o artista de Castelo, Carral, Eris Mackenzie, do colectivo Aaldea. Xunto con Naitinain farán un bolo desenfado de música urbana en galego, en beneficio da Asociación Galega de Lupus, o Concerto será ás 22:00h e xa poden reservar entrada en entradasmardigras@gmail.com o por whatsapp en el 623 97 61 27.
Ademais, o sábado a parrir das 23:00h suben outros herculinos ao escenario. Será Ambigüo, a banda da Laracha os que traian o seu indiepop, presentando o seu LP “Simbiosis”, que se publicará en plataformas dixitais o mesmo venres.
