Saltaban á prensa a semana pasada para denunciar a política de “grandes eventos” do concello da Coruña en materia cultural. Para intentar calmar as inquietudes de case 20 entidades radicadas na Coruña, a rexedora Inés Rey os invitaba a ter unha reunión no Pazo de Maria Pita, xunto co Concelleiro de Cultura e Turismo, Gonzalo Castro, e Eva Blanco, directora de área desa concellaría.
Nesta primeira toma de contacto entre ambas partes dende o comunicado, e tras diversas exposicións sobre a situación da cultura na cidade, que preocupa ao sector, e as respostas iniciais por parte dos responsables municipais, ambas partes acordaron manter unha longa xuntanza de traballo en setembro para falar das diversas problemáticas que se comentaban no comunicado e que precisan de tempo e de decisións firmes para retomar unha dinámica que faga a cidade de novo referente no Noroeste en políticas culturais.
O Colectivo que está alzando a voz en contra desta política de Morriñas e Recordas, son:
- Plataforma de profesionais de artes escénicas da Cultura de A Coruña.
- Escena Galega, Asociación de empresas productoras de Artes Escénicas de Galicia.
- Asociación Galega de Profesionais da Xestión Cultural
- Colectivo Ruada das Xoubas, organizadores da programación de artes escénicas para a infancia e xuventude do San Xoan.
- Clubtura. Asociación de Salas privadas de Música ao vivo.
- Músicas ao vivo. MAV. Asociación de músicos e músicas
- Asociación TE VEO de ámbito estatal de artes escénicas pola Infancia e Xuventude.
- Asociación Cultural Manicómicos. Festival Manicómicos.
- Distribuidoras de artes escénicas de ámbito galego e estatal.
- Rede de Salas de Teatro de Galicia.
- UNIMA, Unión internacional de marionetas.
- FAETEDA, Federación estatal de asociaciones de empresas de teatro y danza.
- AFEARTE (Asociación de Festivais de Artes Escénicas de Galicia)
- APCG (Asociación Profesional de Circo de Galicia)
- Asociación Xente Titiriteira
- AAAG, Asociación de actores e actrices de Galicia.
- NOGA Asociación de Narración Oral de Galicia
