A Coruña acollerá este fin de semana a miles de persoas que gozarán da música de artistas como Louis Tomlinson, Nicky Nicole e Yandel, entre outros, da man da Morriña Fest.
Durante o venres e o sábado, o Porto da Coruña será o escenario deste festival, no que tamén haberá cabida para artistas nacionais como Aitana, Lola Índigo, Íñigo Quintero e Dani Fernández, entre outros.
Desde o Concello destacan que á Morriña hai que sumarlle outros eventos musicais como o Atlactic Pride, o Festival Noroeste — do que se coñecerá o cartel proximamente — ou o Recorda Fest, que se celebrará tamén no Peirao da Batería os días 6 e 7 de setembro con cabezas de cartel como Amaral ou A Orella de Van Gogh.
