Segue a problemática da vivenda sendo a máis grave que afronta o noso país e a nosa cidade. O último colectivo en alzar a voz é o do estudantado universitario, que vén de convocar unha folga estudiantil por unha vivenda accesible. O vindeiro mércores 2 de outubro non irán ás aulas pero si ás concentracións convocadas polo colectivo Erguer como que se realizará no Obelisco ás 12:00h
📢 Declaracións do noso responsábel de organización sobre a crise da vivenda estudantil na Galiza.
💪 O 2 de outubro, chamamos a todo o estudantado a mobilizarse por un ensino e unha vivenda digna.
Porque a vivenda é un dereito, non un privilexio ✊ pic.twitter.com/mdzTRtchFI— Erguer. Estudantes da Galiza (@erguergaliza) September 5, 2024
O colectivo denuncia que o problema é consecuencia do “proceso capitalista de privatizar e mercantilizar elementos básicos como a vivenda”. Lamentan. “precariedade laboral” na que vive instalada a mocidade galega, e lamentan o encarecimento da vida en xeral, e concretamente dos pisos. Sinalan que en Galicia dende 2015 o prezo da vivenda subiu un 68%, pasando de 363€ a 533€, unhas cifras aínda por debaixo do que vivimos na cidade. Contan os estudantes que residen na Coruña que están chegando a pagar 500€ por unha habitación ou 750€ por infravivendas.
Ante esta situación piden tres propostas: máis residencias públicas (na Coruña apenas temos unha xestionada pola Deputación con pouco máis de 100 prazas), a regularizadión do prezos dos alugueres con políticas activas por parte das administracións, e a aposta definitiva pola vivenda pública, paralizada en todo o país durante décadas.
⚠️ O 2 de outubro baleiramos as aulas e enchemos as rúas! A crise da vivenda aféctanos a todas.
✊🏽 Únete á folga estudantil polo dereito a unha vivenda digna! 🏠🔥 pic.twitter.com/0yQFF81GCu— Erguer. Estudantes da Galiza (@erguergaliza) September 6, 2024
