InicioCULTURAVolve o Festigual, un festival inclusivo que fai cidade dende a cultura

Volve o Festigual, un festival inclusivo que fai cidade dende a cultura

Publicada o

Por editor

O Festigual regresa á Coruña do 30 de outubro ao 29 de novembro, cunha programación que reivindica o acceso á cultura para todas as persoas. Este evento chega á sua 8ª edición, consolidando á cidade como referente nas reivindicacións sociais e faro cultural.

Teatro, música, danza, exposicións e graffitis, ademais de encontros formativos e actividades comunitarias, forman parte da completa programación, que se formula dende a vangarda cultural e a diversidade, sinais de identidade dun festival que trata de sensibilizar sobre a necesidade de crear espazos compartidos, accesibles e con participación real para todas as persoas, independentemente das súas capacidades.

Festigual trata de escapar dos circuitos normativos da cultura, moitas veces capacitistas, para construír un festival que poña no centro a accesibilidade e o goce de toda a poboación. Un proxecto colaborativo que é posible grazas ás usuarias das entidades sociais que traballan durante todo o ano para que esto se faga realidade.

Corina Alfonso, parte do elenco da obra Nada se Sabe que se representará no Festigual, destacaba na rolda que “(…) estas iniciativas son un paso cara a normalidade que buscamos. Queremos ser actores e actrices. Sen máis”. Pola súa banda, Cristina de la Puente da Asociación Poten100mos, destacou a colaboración desta entidade co festival, crecendo xuntos dende a súa primeira edición, presentando cada ano diferentes disciplinas artísticas, refrexando a diversidade social, fomentando a empatía e o acceso universal á cultura para todas e todos.

CARTEL__festigual24-Coruna
Sophie Simmons protagoniza o cartel 2024

 

Programación Completa 2024

A programación deste ano inclúe unha variedade de propostas que combinan vangarda e tradición.

  • 30 de outubro, Cerebro, artes, acción. Experimentadanza e a Banda Municipal da Coruña
  • 3 de novembro. Música Baixo as Estrelas. Con Sophie Simonds, Pulpiño Viascón, Misuria Blues, Rozadura e Dani Blanco. Presentan Fran Rei e Corina Alfonso. Teatro Colón ás 19:00h
  • 7 de novembro. Museo Virtual. Os amigos do Museo de Belas Artes. Centro Ágora ás 18:30h
  • 7 de novembro. A proxección sonora III. La fábrica Illuminata. Asoc. Cultural AIS. Centro Ágora ás 19:30h
  • 7 de novembro. O misterioso Cabarel do Sr. Pilgrim… E freestyle. Asoc. Poten100mos. Centro Ágora ás 20.00h
  • 8 de novembro – Graffiti Inclusivo. Asociación Participa. Centro Amigó Os Mallos ás 17:00h
  • 9 de novembro. Xornada de Arte e Saúde. Hospital de Oza. Toda ao día
  • 9 de novembro. Pies de barro. Rebeca Ponte e Elvís García. Hospital de Oza ás 18.30h
  • 14 de novembro. Puños de Harina. El Aedo Teatro. Centro Ágora ás 12:00h* e ás 20:00h
  • 17 de novembro. Museo Virtual. Os amigos do Museo de Belas Artes. Centro Ágora ás 18:00h
  • 17 de novembro. Nada se sabe. Culturactiva Producións e Centro Dramático Galego. Teatro Colón ás 19:00h
  • 27 de novembro. Fillas de Cassandra (en acústico) + Chungo Pastel. Centro Ágora ás 20:00h
  • 29 de novembro. Músicas Inclusivas e Participativas. Robert Pier e o Coro Diversos Funcionais. Centro Cívico Os Mallos ás 20:00h
  • Do 28 de novembro ao 15 de decembro. Exposición: XV aniversario da Torre de Hércules Patrimonio da Humanidade Sociedade Filatélica de A Coruña. Sala Municial de Exposiciones Salvador de Madariaga.

ÚLTIMAS

Residente únese ao boicot musical contra KKR e cancela o seu concerto no Morriña Fest

O rapero portorriqueño René Pérez Joglar, coñecido artisticamente como Residente, cancelou os seus dous...

Xustiza para Elisa Abruñedo: 28 anos de prisión para o seu asasino

A sección segunda da Audiencia Provincial da Coruña condenou a 28 anos de prisión...

Identificadas catro persoas tras unha pelexa ás portas dun karaoke

Catro persoas foron identificadas por participar nunha pelexa rexistrada na madrugada deste mércores ás...

Os locais de lecer nocturno reivindican na sala Pelícano o seu papel no sector cultural como espazos de creación artística

A Federación Nacional de Empresarios de Lecer e Espectáculos (España de Noche) e a Asociación de...

DEIXAR UN COMENTARIO

Please enter your comment!
Please enter your name here