Cada mes que pasa a problemática ca vivenda en todo o estado, pero tamén na cidade da Coruña, é máis complexa. Na cidade das 20.000 vivendas baleiras, moitas familias vímonos obrigadas a cambiar de barrio ou mesmo a hipotecarnos para non ter que pagar un alugueiro salvaxe.
A presión dos altos soldos que xeneran as empresas máis potentes da cidade (véxase Inditex, Estrella Galicia ou Abanca), provoca que os barrios máis céntricos, os máis demandados, sufran un proceso de xentrificación.
Outro problema evidente é o das vivendas turísticas. O pasado mes de setembro había rexistrados 1.372 pisos turísticos na cidade (o doble que a finais 2023), é dicir 3 de cada 4 vivendas en aluguer son de uso turístico, situando á Coruña no podio das cidades galegas, mentres esperamos que a anunciada ordenanza da VUT se poña en marcha máis pronto que tarde.
Mentres todo pasa, a cidade espera a resposta da Xunta á declarar a cidade como mercado tensionado.
#Ninmedionormal
Foi aló por xuño cando Javi Quiroga (@o.novo.normal.coruna), tras vivir un episodio en primeira persoa, relataba a súa crúa experiencia con este relato, comezando así a campaña en redes #Ninmedionormal, para denuncia a “emerxencia inmobiliaria”.
View this post on Instagram
Alugar hoxe
Facendo unha busca rápida, as cifras do portal Idealista son tremendas. Atopamos hoxe 499 pisos e casas para alugar no Concello coruñés, pero apenas hai 11 se filtramos por un máximo de 600 euros, das que varias forman parte dun proxecto de vivenda social aínda sen estrear.
Así, por 500 atopamos espazos de 55m2 cunha soa habitación na Cidade Vella, un 5º sen ascensor no Castrillón, ou un estudio de 30m2 en Catro Camiños.
A partir dos 650-700 xa podemos ir atopamos algún piso algo máis grande pero lonxe do centro da cidade (en Monte Alto lofts de 40m2 a 680…)
Un piso familiar de 3 habitacións, directamente a partir de 850€.
“Inés ReyBrB”
Nos últimos meses, e ante a falta de medidas do goberno de Inés Rey, víronse pintadas como estas de “Inés ReyBrB”.
View this post on Instagram
Máis novas
3 de cada 4 vivendas que se ofertan na Coruña xa son de uso turístico
A Coruña á espera de informes sobre a posible declaración de mercado tensionado
