Máis de 30 profesionais participarán na Coruña no II Foro da Industria Galega do Audiovisual, que organiza a Academia Galega do Audiovisual.

Será entre os días 7 e 9 na Cidade do TIC e baixo a lema ‘A lingua e o audiovisual’. O foro servirá para analizar a diversidade lingüística no sector audiovisual co obxectivo de valorar a situación actual e debater os retos de futuro.

Durante tres días, segundo informaron os seus responsables na presentación, no consistorio coruñés, trataranse os retos e oportunidades que implica a produción e exhibición de contidos audiovisuais en linguas como o galego.