O condutor dun trailer foi denunciado tras quedar atrancado co vehículo no túnel de Juana de Vega, na cidade herculina, á primeira hora da mañá. En concreto, segundo fontes da Policía Local consultadas por Europa Press, o incumprimento das normas do galibó, que marca as dimensións máximas polas que pode pasar un vehículo polo citado túnel, foi o que orixinou a denuncia. Os feitos foron pasadas as sete e media da mañá e ao redor dunha hora despois, con axuda dos Bombeiros, xa se conseguiu solucionar a situación, con afectación no tráfico.