Xa está en Anantapur Yoseba Muruzábal. O artista urbano de Cambre, foi escollido pola Fundación Vicente Ferrer para crear unha obra na que representará a forza das mulleres que deben enfrontarse soas á maternidade.

A actuación está incluída nun programa que está financiado pola Xunta de Galicia e que presta apoio a 327 mulleres cabeza de familia co fillos en situación de vulnerabilidade. Un programa que trata fomentar o seu empoderamento individual, social e económico, no marco dunha cultura que segue marcada por un ríxido sistema familiar que pon ao home no centro con moitas reminiscencias relixiosas da cultura hindú. O acceso ao emprego digno a través dun programa de xeración de ingresos baseado nas microempresas; o garantir a súa saúde física e mental; ou o acceso a contornas e espazos onde se sintan libres e seguras, son algunhas das liñas do programa da histórica Fundación.

Yoseba MP xa percorre esta semana, acompañado da delegada da Fundación en Galicia, María Moldes, as aldeas da rexión india de Madakasira, unha zona rural moi pobre, realizando entrevistas coas mulleres. Moldes aporta a súa experiencia e coñecemento do proxecto para achegar á artista ao medio.
Unha vez rematada a obra, todas as mulleres beneficiarias e protagonistas do proxecto participarán na inauguración do mural.