Continúa o Badminton Club do Mar demostrando que é unha das mellores canteiras de todo o estado. Hai apenas 15 días Inés Poncela e Sara del Castillo triunfaban nos campionatos estatais sub17 e sub19, pero é que esta fin de semana o club herculino volve demostrar o seu potencial unhas categorías máis abaixo.
A coruñesa Maia Freire (que xa subía ao máis alto do poido sub13 o ano pasado) desprazábase a terras catalás, ao pavillón do Congosto de Granollers, para disputar o Campionato de España sub-13 “Se Busca Campeón”. Un evento que reuniu a preto de 150 volantistas de todas as comunidades autónomas.
E a coruñesa Maia Freire converteuse na gran protagonista ao conseguir tres medallas, dous ouros en individuais e dobres e un bronce en dobres mixtos.
Na proba individual, Maia situouse na final, demostrando unha gran superioridade sobre os seus rivais. Alí agardábaa a súa compañeira de dobres Xulia Otero, natural das Neves, para disputar unha vibrante e apretada final que a coruñesa gañou en tres axustados sets 18-21 21-17 21-18.
Na proba de dobres, Maia e Xulia subiron ao máis alto do podio, demostrando unha gran superioridade sobre todas as parellas rivais, demostrando o potencial do cadro de Monte Alto.
Máis novas
Inés Poncela e Sara del Castillo triunfan nos campionatos de España de Bandminton
Inés Poncela e Maia Freire traen medallas do Spanish International sub15 de bádminton
A herculina Maia Freire, nova campioa de España sub13 de badminton
