Dende comezos de ano, unha vez pasado un tempo da xubilación da titular da praza de psicóloga Clínica en maio de 2023, o persoal do Centro de Orientación Familiar de Orillamar vén denunciando o desmantelamento progresivo dun espazo fundamental na cidade para promover a saúde afectivo-sexual, traballar na prevención de embarazos non desexados, e axudar a solventar conflitos familiares.

A falta de compromiso do Concello da Coruña é patente neste edificio que depente tamén do Sergas. Súa era a responsabilidade desa praza de psicóloga clínica que tanto viñan demandando as profesionais. Con todo, foi o Sergas o que vén de cubrir, “tarde mal e arrastro”, despois dun ano de queixas, esa praza.

Pero os problemas seguen acuciando no centro de Monte Alto, que vive pendente dun hipotético peche e traslado á unidade do Ventorrilo. Das tres administrativas que en teoría forman parte do cadro de persoal o COF só dispón neste momento dunha administrativa. Nos últimos meses o COF estivo funcionando cunha sóa administrativa pero dende o Concello, do que depende este apartado, nin sequera se preocuparon de cubrir as vacacións ou as súas posibles baixas.

De feito, dende o pasado mes o Centro está sen administrativa (por vacacións), provocando que non haia atención telefónica e que no mostrador, a persoa que atende ás pacientes é unha auxiliar de enfermería…

Novas sobre o caso

Denuncian que o Concello segue sen cubrir a praza de psicóloga clínica no COF de Monte Alto

Piden solucionar a situación laboral do Centro de Orientación Familiar de Orillamar