InicioSOCIEDADEO IES Puga Ramón ten "Moito Coidado" coas Infeccións de Transmisión Sexual

O IES Puga Ramón ten “Moito Coidado” coas Infeccións de Transmisión Sexual

Publicada o

Por editor

O IES Rafael Puga Ramón acollía onte a estrea do spot “Moito coidado”, que forma parte da campaña impulsada pola área de igualdade da Deputación para previr as Infeccións de Transmisión Sexual (ITS) cun enfoque de xénero. Unha xornada máis que necesaria en materia de educación sexual, a gran esquecida do sistema de ensino público.

Aquí vemos o vídeo da campaña coa música de Mondra.

A deputada de igualdade, Soledad Agra foi a encargada de presentar a campaña, acompañada do director do centro, Pablo González, representantes da empresa que levou a cabo a campaña, FEMUR, e a técnica de igualdade da Deputación, Eva Ovenza, nunha xornada na que o alumnado visualizou os diferentes materiais e participou nunha dinámica de grupo sobre a prevención das ITS cunha perspectiva de xénero.

Ramon Fademur Soledad Agra e Eva Ovenza campana Moito Coidado

Agra referiuse ao incremento das ITS, que “debe ser analizado como violencia de xénero, xa que estas situacións están, na maioría dos casos, vinculadas a prácticas de risco e enganos”. Neste sentido, falou da “falta de educación sexual” como unha das causas. “A principal fonte de información da mocidade é a pornografía, que promove os roles patriarcais e comportamentos machistas”, sinalou.

Pola súa banda, os coordinadores da campaña, Judit Cabana e Carlos Álvarez, de FEMUR, explicaron o enfoque da campaña. “Desde unha perspectiva crítica, os homes adoitan asumir identidades de risco, normalizando comportamentos que priorizan accións sen considerar emocións ou consecuencias. Por outro lado, as mulleres enfróntanse a presións sociais que fomentan o falso consentimento, a abnegación e a aceptación de comportamentos que derivan en sentimentos de culpa e indefensión. Estes comportamentos de risco, manipulación e engano son considerados como violencia de xénero con impacto directo no contaxio das ITS”. O obxectivo da campaña é, precisamente, “visibilizar estas condutas como a verdadeira orixe do problema, rexeitando culpar ás vítimas e promovendo unha resposta construtiva baseada na Ética dos Coidados”.

 

ÚLTIMAS

Reproches do PP e do BNG ao goberno local da Coruña

O grupo municipal do PP no Concello da Coruña reprochou ao goberno local "falta...

Nova presentación literaria na Casa Casares Quiroga

O escritor Juan Cruz regresa a Coruña da man do Ateneo Republicano de Galicia...

Unha investigadora da UDC premiada pola súa tese sobre identidades de xénero

A profesora do Departamento de Pedagoxía e Didáctica da Universidade da Coruña (UDC) Belén...

Cancelado o concerto de Diego el Cigala no parque de Santa Margarita tras ser condenado por maltratar a súa exparella

Son do Nordés comunicou a cancelación do concerto de Diego el Cigala programado para o...

DEIXAR UN COMENTARIO

Please enter your comment!
Please enter your name here