O Concello da Coruña solicitará ao Ministerio de Política Territorial e Memoria Democrática a inclusión da Casa Museo Casares Quiroga no inventario de Lugares de Memoria Democrática. “Desta maneira, o espazo municipal, situado na rúa Panadeiras, converterase no primeiro de Galicia en integrarse na listaxe nacional, que ten como obxectivo agrupar os lugares nos que se desenvolveron feitos de singular relevancia para a memoria democrática”, sinala o goberno local.
Esta solicitude formal foi anunciada polo concelleiro de Cultura e Turismo e responsable da área de Memoria Democrática, Gonzalo Castro, durante a súa intervención de presentación da mesa redonda que se celebrou esta tarde no citado museo. A iniciativa foi para conmemorar o 75 aniversario da morte do político coruñés. Baixo o nome ’75 anos despois. Revisitando a Casares Quiroga. Mito e realidade histórica’, o Instituto de Estudos Coruñeses José Cornide organizou un coloquio. A citada entidade será o organismo encargado da realización dos estudos e informes históricos necesarios para fundamentar a solicitude de Lugar de Memoria Democrática.
Máis novas
A ARMH instala 10 novos stolpersteine lembrando víctimas do fascismo
