O máis sostible sempre é reparar. Pero neste mundo que, en si mesmo, sofre obsolescencia programada, amañar, arraxar, reciclar, recompoñer ou recuperar parecen verbos esquecidos.
Para loitar contra isto, varias entidades unen forzas e ofrecen unha cita singular: o Repair Café. Unha tarde (a do venres 28 de febreiro, de 17:30h a 20:30h na Domus) para poder levar o teu aparato estropeado e que un grupo de persoas voluntarias che axuden a darlle unha segunda vida.
O evento está organizado polo Banco de Reciclaxe Electrónica de Enxeñeiros sen Fronteiras, e conta coa claboración dos Museos Científicos Coruñeses, pero tamén de BricoLabs e da Asoc. Mobi-Liza. Serán precisamente estes últimos, coidadores do marabilloso Taller Reciclos, os que organicen unha sesión especial para reparar bicis.
O evento é de balde, pero cómpre inscribirse en bancoreciclaxecoruna@galicia.isf.es.
Máis novas
Reciclos, o taller social de Mobi-Liza que segue espallando a cultura da bici
