O Silva Sociedade Deportiva emitiu un comunicado no que, entre outras cuestións, pide desculpas a unha árbitra de 13 anos tras as denuncias da súa nai en redes sociais de “acoso” cara á menor.
Os feitos producíronse, segundo o relato da proxenitora, durante o partido celebrado o pasado sábado, día 15, entre os prebenxamíns deste club de fútbol e o Vitoria C.F. nos campos da Torre. “Con relación a este incidente, en primeiro lugar e de forma máis enérxica e categoricamente posible, o Club quere manifestar o seu apoio á colexiada do partido, Raquel Fernández Rei, trasladando nosas máis sinceras desculpas pola situación que viviu e animándolle a que continúe desenvolvendo a súa paixón con máis enerxía aínda se cabe que antes”.
“Esta entidade vai respectar e apoiar en todo momento o que resolvan os órganos disciplinarios e non vai presentar ningún recurso nin similar ante calquera resolución do Comité de Competición sempre que a mesma, como non pode ser doutra maneira, axústese a dereito”, engade.
