A Comisión Coruña Marítima — integrada polo Concello da cidade herculina, Xunta de Galicia, Ministerio de Transportes e Mobilidade Sustentable, Portos do Estado, ADIF e a Autoridade Portuaria — convoca á cidadanía a participar noutro tres debates organizados para esta semana sobre a futura transformación do porto.
Estes encontros terán lugar no Palacio de Exposicións e Congresos da Coruña (Palexco) os días 1, 2 e 3 de abril, ás 17.00 horas, con entrada libre ata completar aforamento.
As temáticas serán:
- ‘Equipamento e usos’,
- ‘Actividade portuaria’.
- ‘Ecoloxía, medio ambiente, auga e enerxía’.
Segundo sinala, con eles “a cidadanía coruñesa volve ter a oportunidade de expresar as súas propostas para a futura fachada marítima da Coruña despois do alto nivel participativo dos primeiros talleres celebrados a semana pasada”.
Estas reunións participativas están orientadas a solicitar suxestións. As achegas, engade, serán analizadas e ordenadas por temas, para a súa incorporación ás bases do Máster Plan que se convocará nas próximas semanas co obxectivo de deseñar as liñas mestras da futura fachada marítima da Coruña.
Baixa, pero insistente, participación veciñal no primeiro taller temático sobre Coruña Marítima
