A responsable comarcal de Movemento Sumar Galicia na Coruña, Trinidad Palacios, vén de manifestar a súa “estupefacción” polo apoio da alcaldesa da Coruña, Inés Rey, a un novo proxecto de universidade privada que se presentou a pasada semana na cidade, “en dirección contraria ao que supostamente di o seu partido a nivel estatal”.

Para Palacios, que o PSdeG-PSOE dende a alcaldía “patrocine unha universidade privada cando a UDC non ten nin para fotocopias” é “de auténtica broma”, e amosa que as ideas da alcaldesa parecen ser máis conservadoras que progresistas, “polo que animo á alcaldesa da Coruña a presentarse nas próximas eleccións municipais polo PP, que creo que buscan candidata”, dixo con ironía. Para a tamén representante da Coordinadora Nacional de Movemento Sumar Galicia unha nova universidade privada en Galicia “non tería moito sentido e o que habería que facer é financiar máis á universidad pública”, aínda que “respeta que inversores privados queiran facelo, aínda que non o comparta”.

En todo caso, apunta a que segundo as informacións que saen nalgúns medios, “ese proxecto de universidade si que competiría directamente coa pública, xa que contaría con ADE, Enfermería ou Enxeñería Informática, esta última xoia da Universidade da Coruña”. Polo tanto, “si que solaparía a oferta existente en Galicia, e non a completaría”.