Trala aprobación da Xunta, o Concello da Coruña informou hoxe da aprobación do proxecto definitivo de construción do centro de saúde de Santa Lucía, unha demanda histórica do barrio da Falperra que leva décadas de retrasos. Tras ser rescatado do caixón do abandono en abril de 2023, tiveron pasar outros dous anos para aprobar este novo paso previo aínda á licitación.
Foi un dos asuntos máis destacados da orde do día na sesión ordinaria da Xunta de Goberno.
O convenio remitido á Xunta estipula, entre outros aspectos, que o Concello asume o compromiso de executar as obras (se ben a Xunta asumirá o custe do Centro de Saúde) e, unha vez que rematen, cederlle por 30 anos á Xunta a parte do edificio que acollerá o centro de saúde. Esta cláusula será prorrogable por outros 30 anos.
A distribución do edificio: Mercado, Centro de Saúde e Centro Cívico
O mercado de abastos estará no soto.
Entre o primeiro e o segundo andar do edificio, estarán as instalacións do centro de saúde, que ocupará algo máis da metade do novo edificio en termos de superficies de uso, un 54%. O centro de saúde de Santa Lucía acollerá diversos espazos destinados á área médica —cunha sala de toma de mostras, outra polivalente, unha consulta de urxencias e outras de medicina e enfermaría xeral—, área pediátrica —con consultas de pediatría—, área da muller —con consultas de matrona, aseos e cambiadores— , así como estancias habilitadas para acoller as áreas de administración, arquivo, persoal e usos comúns.
Os espazos reservados para o Centro Cívico de Santa Lucía situaranse nas alturas superiores do inmoble e abranguen unha nova sala polivalente, un auditorio, unha sala de reunións, un espazo para a xestión de libros, almacéns e aseos.
Máis novas
Conformidade da Xunta ao proxecto do novo centro de saúde de Santa Lucía
