Ponse en marcha dende A Coruña unha campaña de micromecenazgo para a creación da Fundación Daniela Vieito, unha organización que busca brindar apoio e sanación a persoas que sufriron abusos e malos tratos, tanto físico como psicolóxico. Inspirada na experiencia de profesionais que viron de preto a dor de nenos, adolescentes e adultos, a fundación nace co propósito de transformar as sombras do sufrimento en luz a través da arte e o amor.
A Fundación planea “converterse nun lugar de confianza onde as vítimas poidan acudir en busca de axuda, ofrecendo actividades como eventos de arte, talleres, charlas e campañas de concienciación en redes sociais e outros medios, promovendo o amor propio e a conexión coa natureza desde unha idade temperá”.
O proxecto contará cun equipo multidisciplinar disposto a poñer os seus coñecementos ao servizo de quen máis o necesitan. A fundación tamén buscará sensibilizar á comunidade mediante campañas de comunicación e actividades que fomenten a empatía e o respecto, creando un espazo onde a recuperación emocional sexa posible a través da beleza da arte e o apoio colectivo.
Para axudar podes colaborar a través da campaña en gofundme.
View this post on Instagram
