Desprazouse un grupo do movemento #Aquítaménsefala do IES Rafael Dieste este sábado a Riazor, para levar a súa campaña “O Dépor é da Coruña” nos diferentes actos da súa festa das peñas. Coincidindo ademais co Día das Letras Galegas, comitiva formada por varios profesores e varios alumn@s, despregou unha faixa entre as bancadas de Tribuna e Maratón.
Voaron os 15.000 colantes co lema a imaxe do escudo co topónimo oficial da cidade, que hoxe xa locen en milleiros de carpetas, coches… e dende o grupo aseguran que gozaron da gran acollida que ten a iniciativa entre a afección branquiazul.
View this post on Instagram
Pancarta dos Riazor Blues
Os Riazor Blues comunicaron ao club a intención de despregar unha faixa co lema que xa é un clamor nas redes, nas rúas e nas gradas: “O Dépor é da Coruña”.
No acceso á grada de Maratón, co permiso do club aprobado, a Policía Nacional requisou a pancarta e Riazor non puido ver o traballo realizado pola súa grada de referencia. O grupo non animou durante o partido, durante o que estivo sentado durante a primeira metade, e chegou a abandonar o estadio antes de tempo.
Por iso, “Aquí Tamén Se Fala” quere evidenciar a súa mágoa e o seu fondo agradecemento a uns Riazor Blues que levaban traballando durante semanas nunha acción de amor á lingua, ao club, e de apoio á iniciativa do estudantado coruñés.
De “Aquí tamén se fala” continúan animando o RC Deportivo a asumir, unha vez máis e como leva facendo case 120 anos, o seu lugar na historia e a se reunir cos representantes da plataforma para que os reciban e os escoiten. Para que coñezan de primeira man toda a forza do seu amor. Porque o Dépor é da Coruña.
Máis novas do proxecto
Aquí tamén se fala segue colleitando apoios para normalizar o nome do Dépor
“O Dépor é da Coruña”, o novo reto normalizador do #Aquítaménsefala
