Seguen rompendo as normas da normalización. Agora son eles e elas, as alumnos e as alumnas do IES Rafael Dieste, as que poñen as normas de cales son os proxectos máis potentes para recuperar o uso do galego na cidade. E fano dende a música pero tamén dende o humou ou o deporte.
O cursp pasado chegaron a mergullar modelo neste novo de dinamización lingüística a máis de 200 centros educativos e 25.000 estudantes de todo o país. E este ano, o “Aquí tamén se fala”, coa colaboración de Xunta, Deputación e Concello, mantén a aposta pola música en galego cun festival aberto á cidadanía e único en Europa.
O venres 13 de xuño, a partir das 17:30h, a música en galego encherá, unha vez máis, a praza da Tolerancia. E, de novo, o alumnado do IES Rafael Dieste, un instituto público, fará historia liderando a organización dun festival profesional no que se citan as bandas e artistas que están escribindo as novas páxinas da música en galego.
Dios Ke Te Crew, Pava, Alana, Ulex e a colaboración especial de Boyanka Kostova, que xa participaron na primeira edición, conforman o cartaz deste festival gratuíto que nace das aulas do Dieste, centro de referencia dos barrios que rodean á Cidade Escolar e a Agra do Orzán, auténtico epicentro histórico da clase traballadora da Coruña, hoxe rexuvenecida coa riqueza internacional cultural e lingüística que alimenta as súas rúas. Ademais, desde a organización anuncian unha actuación sorpresa que terá lugar no propio festival.
Despois do éxito do curso pasado, no que o festival congregou a preto de 5.000 persoas e puxo o ramo a unha actividade frenética na dinamización lingüística que mereceu o recoñecemento unánime da sociedade con premios como o Innovagal, o Rosalía de Castro de Lingua, o do Forum Europeo do Ensino ou o Mil Primaveras, entre outros, “Aquí Tamén Se Fala” volve facelo e consegue coordinar a Xunta, Deputación e Concello para organizar un evento en prol da lingua e a música galegas.
Actividades paralelas
Ademais do potente festival, durante todo o curso o proxecto “Aquí Tamén Se Fala” continuou difundido a cultura galega con gravacións realizadas polo alumnado do Rafael Dieste de artistas como Amancio Prada, Quico Cadaval, Fillas de Cassandra ou Xabier Díaz. Mantivo unha estratexia viral en redes á que sumaron o seu apoio referentes culturais como Yolanda Castaño, Marco Neves, Carlangas, as bandas La M.O.D.A. e Doña Manteca ou o humorista Champimuros.
Do mesmo xeito, “Aquí Tamén Se Fala” iniciou unha campaña histórica baixo o lema “O Dépor é da Coruña” para animar o Real Club Deportivo a asumir o topónimo oficial e patrimonial da cidade.
Aquí tamén se fala segue colleitando apoios para normalizar o nome do Dépor
Outras novas
“O Dépor é da Coruña”, o novo reto normalizador do #Aquítaménsefala
Lamentan que non se permitise a entrada a Riazor dunha faixa co lema “O Dépor é da Coruña”
