A Policía Local da Coruña pechou unha nova campaña específica de control sobre o uso de bicicletas e vehículos de mobilidade persoal, como os patinetes eléctricos, con 21 sancións rexistradas ao longo das dúas últimas semanas. Durante os operativos, tramitáronse 13 sancións por uso de auriculares durante a condución, cinco por circular por zonas peonís, dúas por manexo de móbil e un por realizar modificacións ilegais no vehículo. O obxectivo da campaña, precisa o goberno local, é previr situacións de perigo e garantir unha convivencia segura entre todos os modos de desprazamento, “reforzando o uso responsable dos espazos comúns da cidade”.