Un home tivo que ser rescatado en helicóptero na tarde deste pasado luns tras caer nunha zona rochosa de difícil acceso na praia de Canabal da localidade coruñesa de Oleiros.
Segundo informa o 112 Galicia, os feitos ocorreron sobre as 19.45 horas e foi o propio particular afectado o que alertou aos servizos de emerxencia, indicando que non se podía mover. Así, activouse un operativo no que participaron Urxencias Sanitarias de Galicia-061, a Garda Civil, os Bombeiros de Arteixo, o Servizo Municipal de Emerxencias e a Policía Local.
Foi o helicóptero Pesca II, de Gardacostas, o que localizou ao home e rescatouno, evacuándoo ao aeroporto de Alvedro. Desde alí foi trasladado consciente en ambulancia ao Complexo Hospitalario da Coruña.
