Unha persoa resultou ferida a pasada madrugada tras rexistrarse un accidente na N-6 ao seu paso polo municipio de Bergondo, segundo informou o Consorcio Provincial contra Incendios e de Salvamento. O aviso produciuse sobre as 1.30 horas por un sinistro viario no punto quilométrico 579 da N-6, en Guísamo, e nel viuse implicado un vehículo ocupado por dúas persoas, unha das cales resultou ferida.
A persoa lesionada foi evacuada ao Complexo Hospitalario Universitario da Coruña. No operativo, ademais dos bombeiros do parque provincial de Betanzos e dos profesionais sanitarios, tamén participaron efectivos da Garda Civil de Tráfico e de Protección Civil de Bergondo.
