Longo pleno en María Pita. Máis de 9 horas de pleno (cun par de paradas para o café e para comer algo) que non rematou ata ben entrada a tarde. Un pleno diverso, no que o grupo de goberno local dou conta do acordo chegado co goberno estatal para poder facer realidade o necesario Parque do Observatorio.
En clave de vivenda tamén se aprobou, cos votos en contra do PP, do convenio urbanístico mixto de planeamento e execución para o desenvolvemento de máis de 1000 vivendas do API Q28 no parque de Oza, no barrio do Castrillón.
Tamén se aprobou a nova ordenanza reguladora das vivendas de uso turístico (VUT) que entrará en vigor nos próximos día, despois de que a Coruña sexa o primeiro concello galego declarado como zona de mercado residencial tensionado. Se ben os estudos sinalan que non as VUT non son o principial causante da burbulla inmboliaria da Coruña, este debe ser unha medida máis que poida tomar o goberno local.
Outro dos puntos destacados na parte resolutiva da orde do día foi a aprobación inicial da coñecida como Taxa Turística.
Nova ordenanza de mobilidade sostible
O Pleno tamén deu luz verde este xoves a nova Ordenanza de Mobilidade Sostible, que actualiza a última aprobada hai xa 25 anos. “Non se trata só de regular os espazos de paso de cada vehículo, senón tamén de pensar nas necesidades da cidade a medio e longo prazo”, apuntou a concelleira Noemí Díaz, que subliñou que, nesta liña de traballo, tamén están a continuar os encontros participativos para definir o estudo do futuro servizo de transporte urbano.
E tamén se falou da proposta sobre a nova ordenanza de praias. Unha ordenanza que mantén a prohibición de cans nas praias entre o 1 de xuño e 30 de setembro, excepto na cala canina de Bens, pero que inclúe control de altofalantes no areal.
Apoio á Universidade
Unanimidade no pleno xa na tarde na moción presentada polo PSOE para que o pleno defenda a instalación da Facultade de Medicina na cidade. Si que Miguel Lorenzo criticou que o grupo socialista puido ter compartido esta moción entre todos os grupos.
Así mesmo aprobáronse un par de mocións de apoio ao comercio local e para ampliar as axudas de accesibilidade para a instalación de ascensores.
No treito final, o BNG criticou o o incumprimento por parte do Goberno Local de aspectos esenciais da Ordenanza do Galego, aprobada en xuño de 2021 grazas ao impulso da formación nacionalista. Unha crítica que non aceptou o edil de Cultura, que sinalou que o grupo de goberno ten un compromiso claro coa lingua.
Máis novas
O Concello acada a concesión dos terreos para poder realizar o parque do Observatorio
