Rosario Flores regresa á Coruña para presentar en directo o seu novo disco, ‘Universo de Ley’, coa súa xira homónima que resume máis de tres décadas de carreira musical e na que interpretará grandes éxitos. Segundo traslada o Concello da cidade herculina, xa están á venda as entradas para esta cita musical que terá lugar o 13 de decembro no Palacio da Ópera. “Recoñecida polo seu inconfundible estilo que fusiona flamenco, pop e ritmos latinos, Rosario Flores é unha figura indispensable da música española”, engade.

Ao longo dos seus máis de 30 anos de carreira, esta artista lanzou unha quincena de discos e recibiu numerosos recoñecementos entre os que destacan tres Grammys Latinos, doce Discos de Platino, tres Premios Ondas e a Medalla de Ouro ao Mérito nas Belas Artes. En concreto, o álbum que presenta nesta xira é unha homenaxe aos seus inicios e nel volveu a gravar os seus primeiros éxitos a dúo con grandes figuras mundiais da música hispana, explica o consistorio.