Unha persoa resultou ferida este martes tras envorcar o seu vehículo nunha peaxe da AP-9, ao seu paso polo concello coruñés de Bergondo.

Os bombeiros do parque provincial de Betanzos foron requiridos esta tarde polo envorco dunha furgoneta ante a barreira da peaxe. O aviso chegou do 112, ao redor das 16.30 horas. Indicaban que a única ocupante do vehículo estaba ferida e atrapada.

Unha vez no punto, os bombeiros axudaron á vítima a saír do vehículo polo cristal dianteiro para ser trasladada polo 061 ao CHUAC.

No operativo participaron persoal das cabinas de cobro das peaxes, a Garda Civil de Tráfico, Protección Civil de Bergondo e membros de de mantemento de autoestradas.