A ministra de vivenda, Isabel Rodríguez, sinalou que o director xeral de vivenda e un responsable do ICO estiveron cos representantes da veciñanza das vivendas de Xuxán.
En todo caso, apuntou que cre que se trata de “un problema de xestión” que espera que “se solvente” porque, tal e como subliñou, “non falta disposición, recursos económicos e financiamento”.
“Nunca antes se investiu tanto no Instituto de Crédito Oficial. Nos últimos meses promovemos a través deste financiamento máis vivendas que nos últimos 35 anos de vida do Instituto de Crédito Oficial”, apostilou.
Tamén puxo en valor a “disposición” do Goberno que “desde o primeiro momento puxo en marcha estes fondos de cooperación” que, engadiu, propician “a posibilidade de liderar polas administracións ou contratar con outras entidades, neste caso unha cooperativa, para avanzar nesa construción dun parque de vivenda en colaboración público-privada”.
