Inaugurouse onte no Museo de Belas Artes da Coruña a mostra ‘A barca de Caronte. A travesía vital de Isaac Díaz Pardo’, unha exposición “coa que desde a Xunta rende homenaxe a unha creador clave para a cultura galega nos séculos XX e XXI”, sumándose así ao recoñecemento que se lle fai este ano dedicándolle o Día das Artes Galegas.

Unha mostra que “pon en valor as distintas vertentes dun artista polifacético, ofrecendo unha achega á súa figura desde distintas perspectivas e nun mesmo espazo, apostando porque as novas xeracións profunden no seu coñecemento”, como recoñeceu o conselleiro de Cultura, Lingua e Xuventude, José López Campos,.

O percorrido abarca toda a traxectoria de Díaz Pardo a través das súas distintas facetas, desde a etapa pictórica á de deseñador industrial, pasando pola transición plástica, sendo esta unha gran oportunidade para crear unha composición en conxunto de todo o seu universo creativo.