A unha semana de agosto, e esperando aínda o cartel do Festival Noroeste (aseguraron que se dará a coñecer “os vindeiros días”, o Concello vén de presentar a programación das Festas de María Pita, as festas máis importantes da cidade. Unhas festas que este ano ademais conmemoran este 2025 o 175 aniversario da súa orixe, en 1850.
A praza de María Pita será o gran escenario destas festas coa celebración das Noites de María Pita, a Semana Clásica e o Festival de Habaneras.
Noites de María Pita
Rosa Cedrón será a encargada do pregón deste 2025, que terá lugar o venres 1 ás 21.00 horas. Esa mesma Noite de María Pita comezará aos ritmos de Baiuca, un dos artistas galegos máis importantes do momento. O día 2 estará Bonnie Tyler, o día 3, Marina Reche, o día 4, Los Sirex e Los Rebeldes, e o día 5, Los40 Summer Live (Naiara, Chema Rivas, La Beba, Pikete, Lemot, Vicco, Paula Koops e Walls).
Xa o domingo 10 de agosto, despois do Noroeste, volverá a música a María Pita con Zahara. O 11 será a quenda do espectáculo Rock en Familia, o 12 celebrarase o xa anunciado homenaxe a Sito Sedes coa orquestra Los Satélites, o 13 actuará Uxía, nunha actuación especial con numerosos convidados, e o 14 celebrarase Locos por la Música, con Nacha Pop, Cómplices, No me pises que llevo chanclas, Melocos, Javier Ojeda (Danza Invisible), Soraya, La Poptelera e DJ Cherry Coke.
Pecharán o ciclo Coti o domingo 17 e Vega o luns 25 de agosto.
Mostra dos Carteis
Para conmemorar o 175 aniversario das festas, instalarase desde o día 1 no Obelisco a mostra ‘As Festas de María Pita a través dos seus carteis’, con 40 carteis emblemáticos que reflicten o espírito dos tres séculos nos que se celebraron. Do 18 ao 31 de agosto a exposición poderá visitarse en Marineda City.
Habaneras e Clásica
Este ano celébrase o 40 aniversario do Certame de Habaneras, pasará a celebrarse no no escenario da praza de María Pita, do mércores 6 ao sábado 9, ás 19.30 horas.
A Semana Clásica dará comezo o mércores 20 coa actuación da Orquestra GAOS co cantautor Pedro Guerra como convidado especial. O xoves 21 actuará a Orquestra de Cámara Galega, o sábado 23 será a quenda da Orquestra Sinfónica de Galicia e o domingo 24 pechará o ciclo a Banda Municipal de Música da Coruña.
Viñetas
Ademais, do 11 ao 19 celebrarase unha nova edición de Viñetas desde o Atlántico, festival internacional de banda deseñada e referente do sector, que contará con
máis de 70 autores e autoras, 20 exposicións, 35 editores/as e libreiros/as e máis de 100 actividades. A programación será anunciada tamén nos vindeiros días.
Romaría de Santa Margarida
A Romaría de Santa Margarida terá lugar do 28 ao 31 de agosto e xa están á venda as entradas para o concerto de Gala i Ovidio, que abrirá a programación que se
anunciará ao completo máis adiante.
Feira do Libro e MostrArt
Desde o venres 1 ata o domingo 10 celebrarase nos xardíns de Méndez Núñez unha nova edición da Feira do Libro da Coruña. Por outra banda, do 14 ao 31 terá lugar a Feira do Libro Antigo e de Ocasión.
Tamén se celebrará neste espazo a edición número 41 de Mostrart, a feira de artesanía máis importante de Galicia, que se prolongará durante todo o mes de agosto e contará con máis de 60 obradoiros artesáns.
Festival Internacional de Folclore e Beatout Week
O Festival Internacional de Folclore este ano terá lugar no Campo da Leña, do mércores 13 ao domingo 17. O sábado 16 celebrarase unha xornada especial na praza de María Pita.
Súmase á programación o evento de música urbana Beatout Week, que se celebrará no auditorio de Santa Margarida do 21 ao 23 de agosto.
A batalla Naval
O 15 de agosto terá lugar a tradicional Batalla Naval nas praias do Orzán e Riazor.
Festas nos barrios
Durante o mes de agosto non cesarán as festas nos barrios da cidade. Do 15 ao 17 de agosto celebrarán os seus festexos os veciños de Oza-Gaiteira-Os Castros. Haberá, o sábado 16, un evento especial no Parque Europa que levará por nome Lembranza Rock e contará coas actuacións de Sés, Ruxe Ruxe e Rebeliom do Inframundo.
As festas do Castrillón terán lugar do mércores 20 ao venres 22 e contarán coa actuación estelar de Tam Tam Go! o xoves 21 na praza de Pablo Iglesias.
Do venres 22 ao domingo 24 celebraranse os festexos da Sagrada Familia no parque de San Rosendo e a súa contorna e o sábado 23 terán lugar as festas de Pedralonga no aparcadoiro da Fábrica de Armas.
Máis novas
Primeiras queixas pola tardanza na publicación do programa das Festas de María Pita e do Noroeste
