O pleno de Culleredo celebrado este xoves, sacou adiante, cos votos a favor de PP e PSOE, o cambio de uso do solo das parcelas da antiga fábrica de La Cros. Un paso necesario para aprobar a cesión por 50 años do esqueleto máis famoso da comarca á Fundación Cetim para a creación dun centro de investigación privado.
Tras intentalo en febreiro do ano pasado, o goberno socialista local incidiu e desta volta contou co apoio do PP, que argumentou que con esta nova proposta hai máis garantías xurídicas.
BNG e Alternativa amosaron o seu profundo rexeitamento, entendendo que se “regala” unha das xoias arquitectónicas do Concello a unha entidade privada. “Alternativa dos Veciños non apoiará nunca que o patrimonio público dos veciños de Culleredo se lle regale a ninguén, por moito que se pretenda vestir de fundación científica con promesas de emprego que nunca serán unha realidade, porque para isto o Concello xa dispón dos polígonos comerciais e industriais”, sinala Alternativa nun comunicado..
O grup considera que podería ser un espazo público como levan prometendo os diversos gobernos municipais.
Entende ademais que “se o Concello quere que as naves e terreos da Cross se modifiquen algún día, ademais de equipamentos municipais, pode considerar a posibilidade de facer vivenda de aluguer público, así nunca perdería a titularidade dos mesmos e crearía un gran servizo para a veciñanza de Culleredo”.
Cómpre salientar ademais que o Concello de Culleredo non ten Plan Xeral de urbanismo e por tanto non pode alterar as cesións urbanísticas de anteriores plans parciais que fixaban as cesións públicas para servizos sociais, culturais, deportivos etc…
Máis novas do proceso
Así sería o Centro Tecnolóxico que Culleredo propón para a Cros do Burgo
