A Asociación de Escritores en Lingua Galega organizan un Roteiro As vellas de Mens na cidade da Coruña, guiado por  Icía Varela e Xosé Manuel Varela, autores dos libros Pandereteiras e Cantareiras. A cita vai ter lugar o domingo 28 de setembro, a partir das 12:00 horas, tendo como punto de partida o Teatro Colón, na Coruña. Non é necesaria inscrición previa.

Un paseo por tres espazos coruñeses de vinculación artística coas Vellas de Mens, engalanado con interpretación colectiva do seu enxebre legado musical con pezas como a «pandeirada», o «maneo», o «pasodobre de Mens» ou a «muiñeira punteada» xunto cun «valse» e «chotis», este moi descoñecido.

Esta iniciativa da AELG pretende dar a coñecer as cidades e vilas do país da man das nosas escritoras e escritores, que exercen de guías tomando como base obras propias ou alleas vinculadas a eses espazos. Deste xeito, posibilítase que a cidadanía goce persoalmente dos espazos físicos na súa relación coa memoria literaria.