A Garda Civil de Arteixo levou a cabo unha operación contra o tráfico de drogas na área metropolitana da Coruña, que resultou na detención dun total de catro persoas e a incautación dunha cantidade significativa de substancias estupefacientes.
A investigación iniciouse en febreiro de 2025 en Meicende (Arteixo), por mor da detención dun individuo que se dedicaba á venda activa de drogas na zona. Esta detención inicial foi a peza crave que permitiu desentrañar unha rede máis complexa.
A partir da información obtida, a Garda Civil logrou identificar e localizar á persoa que fornecía a droga ao detido en Meicende. Este individuo residía en Culleredo, desde onde centralizaba a súa actividade ilícita.
As investigacións posteriores permitiron descubrir á principal provedora deste traficante, unha muller residente na cidade da Coruña.
A fase final da operación, executada en setembro de 2025, saldouse coa detención destas tres persoas: dous de Culleredo e unha da Coruña.
Como parte dos operativos, realizáronse rexistros nunha vivenda e un baixo na Coruña, así como noutra vivenda en Culleredo.
Durante os rexistros, a Garda Civil incautou o seguinte:
- 1.332 gramos de cocaína.
- 507 gramos de MDMA.
- 210 pastillas de éxtases.
- 6.630 euros en efectivo.
- Dous vehículos e varios teléfonos móbiles.
Outras novas
Ingresan en prisión cinco do dez detidos nun operativo contra a droga en Meicende
En marcha as primeiras medidas para atallar a vaga de delincuencia en Meicende
