Hai momentos, fitos, que activan á sociedade. E parece que a detención da Flotilla Global Sumud por parte do exército israelí en augas internacionais fixo saltar as alarmas nas conciencias de milleiros de persoas que levan anos contendo a rabia.
Así se denota da histórica manifestación vivida esta noite do 2 de outubro na cidade da Coruña. Despois de varias convocatorias nas que as concentracións do Obelisco non pasaban de varios centenares de persoas, desta volta foron milleiros (4.000 segundo fontes municipais, pero moitos más para os asistentes como comprobades o vídeo de un minuto e medio en bici) os que uniron o Obelisco con María Pita nunha demostración de que a sociedade está farta do xenocidio por parte do goberno sionista contra o pobo palestino.
View this post on Instagram
Todo nunha xornada con concentracións en todo o estado, que xa cidade comezaba coa folga e manifestación moi potente do estudantado, convocada polo Sindicato de Estudantes así como condena conxunta dos grupos políticos no pleno contra o “xenocidio”.
Entre os cánticos tamén pediron liberdade para os membros da Flotilla, entre os que se atopa a herculina Sandra Garrido.
A herculina Sandra Garrido, embarcada na Flotilla Sumud do Global Movement to Gaza
O domingo 5, e o día 15, novas citas da loita
Este domingo ás 12:00h en Compostela, nova manifestación dende a Alameda de Compostela, e o vindeiro 15 de outubro, folga xeral.
Máis novas
O estudantado demostrou a súa mobilización por contra o xenocidio sionista
A Plataforma A Coruña pola Paz nace cunha Marcha ata a Torre
