No marco das mobilizacións que se celebran estas semanas en todo o estado (impresionantes as do venres na cidade herculina e a do sábado en Compostela), a plataforma “A Coruña pola Paz” arrincaba a súa andaina social cunha marcha “en contra das guerras, do xenocidio e da cultura da guerra e a violencia”. Baixo o lema “Non as guerras e ao xenocidio”, e en conmemoración do día internacional da non violencia, centos de persoas que forman parte das máis de 30 asociacións adheridas á Plataforma, concentrábanse este sábado 4 de outubro, ás 19:00h na paloma de Picasso, na Praza de Pontevedra.
Dende aí, colleron o paseo marítimo e realizaron unha completa marcha, ao solpor, ata a Torre, con arengas e pancartas como “as vosas armas, as nosas mortes”, “menos tanques e máis flotilla”, “non e unha guerra, é un xenocidio”.
Xa ao acubillo da estatua de Breogán, houbo unha actuación de Bea a de Estrella e unha lectura do manifesto da plataforma “A Coruña pola Paz”, que invita a persoas e entidades da cidade a adherirse nesta ligazón.
Máis novas
A Plataforma A Coruña pola Paz nace cunha Marcha ata a Torre
A Coruña protagoniza unha espectacular manifestación por Palestina
A coruñesa Sandra Garrido, retida e en posible folga de fame nunha cárcere israelí
