Arrincaron as mobilizacións públicas no marco da folga xeral convocada este 15 de outubro por CCOO, CGT, CIG e UGT, ademais do Sindicato de Estudantes. Unha convocatoria realizada co lema “Paralo todo para parar o xenocidio”.
Foi precisamente a chamada do estudantado, despois dunha masiva xornada de folga, a que partía ás 12:00h do Obelisco e chegaba a María Pita, percorrendo unha Marina ateigada de cruceiristas que ollaban dende as terrazas a mobilización.
Presidindo a concentración, que tamén contaba coa xente da CGT, houbo unha falla coas caras de Trump, Feijoo e Ayuso, que sorrían ante os berros dos manifestantes con constantes alusións ao necesario Boicot a Israel, e en contra dun acordo de paz asinado sen Palestina.
Ademais, membros da CGT realizaron varios piquetes diante dunha das tendas de Zara na Praza de Lugo en contra dos negocios con sionistas de Inditex.
Máis accións
A partir das 19:00h, espérase unha nova masiva manifestación dende a Delegación do Goberno na praza de Ourense, convocada pola CGT, que se unirá á convocada pola Coordenadora Galega en Solidariedade con Palestina, que será ás 20:00h no Obelisco.
Máis novas
A Coruña protagoniza unha espectacular manifestación por Palestina
