Por fin parece que os sindicatos unen forzas para facer presión contra o xenocidio do pobo palestino. Este mércores 15 de outubro, CCOO, CGT, CIG e UGT unen forzas tamén co estudantado para convocar unha folga xeral para presionar aos gobernos a tomar medidas reais.
Os sindicatos lembran que a folga está debidamente convocada e, por tanto, calquera traballador ou traballadora que queira sumarse ten dereito a facelo, sen que poida sufrir ningún tipo de represalia por parte da súa empresa.
Para os sindicatos “o plan de Trump non é un plan de paz. Para empezar, porque en Gaza non hai unha guerra, o que hai é un xenocidio. Este xenocidio NON rematou: Israel só abriu dous pasos para a entrada de axuda humanitaria, segue asasinando, a Faixa de Gaza está devastada, prohibe que os palestinos celebren a liberación de presos…”
”É unha vergoña que os gobernos europeos, incluído o español, avalen a proposta de Trump-Netanyahu. No canto de facer de comparsas do imperialismo estadounidense e do seu aliado nazi-sionista asasino, o goberno do PSOE e Sumar farían mellor en romper total e inmediatamente toda relación con Israel”, denuncian.
Na Coruña haberá concentración ás 12:00h no Obelisco, no marco da Folga Estudantil convocada polo Sindicato de Estudantes en tódolos institutos e universidades do Estado contra o xenocidio sionista. A partir das 19:00h, espérase unha nova masiva manifestación dende a Delegación do Goberno na praza de Ourense.
A Coruña protagoniza unha espectacular manifestación por Palestina
A Plataforma A Coruña Pola Paz estreouse cunha comprometida marcha ata a Torre
